ឆ្លង ឆ្នាំចាស់ ផ្លាស់ចូលឆ្នាំថ្មី ២០១៧ ប្រិយមិត្តមួយចំនួនប្រាកដជា មានគម្រោងទៅដើរលេង ទៅប៉ែកនិរតីនៃប្រទេស គឺខេត្តព្រះសីហនុជាកន្លែងមានឆ្នេរសមុទ្រស្រស់ស្អាត ខ្យល់អាកាសបរិសុទ្ធស្រស់ថ្លា ជាមួយគូសង្សារ មិត្តភ័ក្ដិ បងប្អូន ក្រុមគ្រួសារ ក្នុងរាត្រីដ៏ពិសេស។
បើមាន គម្រោងទៅដើរលេងនៅទីនោះ បងសប្បាយ សូមណែនាំតាមរយៈក្រុមការងារផ្លូវទៅស្រុក ត្រួសៗពីកន្លែងដើរលេងពិសេសៗមួយចំនួនក្នុងទឹកដី ខេត្តព្រះសីហនុ រួមទាំងរមណីយដ្ឋានមួយចំនួន ដែលប្រិយមិត្តនឹងជិះកាត់តាមផ្លូវទៅកាន់ ខេត្តព្រះសីហនុ៖
មានទីតាំងនៅភូមិព្រៃប្រសិទ្ធ៍ ឃុំបាក់រទេះ ស្រុកកំពង់សិលា ខេត្តព្រះសីហនុ។ ថ្មរូងជារមណីយដ្ឋានធម្មជាតិ ភ្ញៀវទេសចរ អាចទស្សនា ព្រៃភ្នំធម្មជាតិ និងងូតទឹកលេង យ៉ាងសប្បាយរីករាយ។ ដោយធ្វើដំណើរតាមផ្លូវជាតិលេខ ៤ ចំងាយពីភ្នំពេញប្រហែល ១១៥គីឡូម៉ែត្រ បត់ស្តាំប្រហែល៧ គីឡូម៉ែត្រ អ្នកនឹងទៅដល់ រមណីយដ្ឋាននោះ។
ភ្នំបូកគោជាទីកម្សាន្តធម្មជាតិសម្បូរបែប ដែលធ្វើឲ្យភ្ញៀវទេសចរទៅលេងមានអារម្មណ៍រីករាយស្រស់ថ្លា។ នៅទីនោះ ប្រិយមិត្តអាចទស្សនា ពពកវិល ថ្មមុខយក្ស បឹងលើភ្នំ វត្តសំពៅប្រាំ ព្រះវិហារកាតូលិកចាស់ ឡឺ បូកគោ ផាលេស (សណ្ឋាគារចាស់) ដំណាក់ស្លាខ្មៅ ដំណាក់ព្រះបាទមុនីវង្ស ឬដំណាក់ស្ដេច វាលស្រែ៥០០ និងកន្លែងសមាធិ។
បូកគោ មានចម្ងាយប្រមាណជាង ៤០គីឡូម៉ែត្រ ពីក្រុងកំពត។
វត្តជោតញ្ញាណ ឬវត្តលើ មានទីតាំងស្ថិតនៅលើភ្នំមួយនៃខេត្តព្រះសីហនុដែលមានកម្ពស់១៣២ ម៉ែត្រ។ វត្តដ៏ចំណាស់មួយនេះជាទីសក្ការរបស់ពុទ្ធសាសនិក និងជាកន្លែងដែលពលរដ្ឋនៅខេត្តព្រះសីហនុ ចូលចិត្តទៅលម្ហែអារម្មណ៍ស្រូបខ្យល់អាកាសបរិសុទ្ធ ជាពិសេសក៏ជាទីតាំងដ៏ល្អដែលសម្រាប់ភ្ញៀវទេសចរ ដែលចង់មើលទេសភាពនៃទីក្រុងព្រះសីហនុបានយ៉ាងច្បាស់ល្អ។
ឧទ្យានជាតិរាម ស្ថិតនៅប្រហែលជា១៨គម ខាងកើតក្រុងព្រះសីហនុ ដែលត្រូវបានគេស្គាល់ថាជាតំបន់អភិរក្សដោយសារតែតម្លៃជាតិ វិទ្យាសាស្ត្រ អប់រំ និងកម្សាន្ត។ ឧទ្យានជាតិរាម ស្ថិតនៅរវាងកោះថ្មី និងក្រុងព្រះសីហនុ ដែលមានផ្ទៃដីសរុប ២១,០០០ ហិកតា ក្នុងនោះផ្ទៃដីទំហំ ១៥,០០០ ហិកតា ជាដីគោកស្ថិតតាមឆ្នេរសមុទ្រ និងផ្ទៃដីទំហំ ៦,០០០ ហិកតា ជាផ្ទៃទឹកសមុទ្រ។ ឧទ្យានជាតិរាម ជាកន្លែងដ៏មានប្រជាប្រិយក្នុងការផ្ដិតយកទិដ្ឋភាពផូរផង់ នៃធម្មជាតិ។
ឆ្នេរអូឈើទាលបានទាក់ទាញអ្នកទេសចរ ច្រើនជាងតំបន់ដទៃទៀតក្នុងខេត្តព្រះសីហនុ។ ឆ្នេរអូឈើទាលកម្ពុជាបានទទួលវិញ្ញាបនបត្របញ្ជាក់ពីឆ្នេរខ្សាច់ ស្អាតលំដាប់ពិភព លោកកាលពីថ្ងៃទី ២៥ ខែឧសភា ឆ្នាំ ២០១១ នៅប្រទេសសេណេហ្គាល់ ក្នុងមហាសន្និបាតលើកទី៧របស់ក្លឹបឆ្នេរខ្សាច់ស្អាតពិភពលោក។ ក្លឹបនេះ មានសមាជិក ២៦ ប្រទេស និងមានឆ្នេរចំនួន ៣២ កន្លែង។
@ឆ្នេរអូរត្រេះ៖
ជាឆ្នេរសមុទ្រស្ងប់ស្ងាត់បរិយាកាសល្អបរិសុទ្ធ នៃក្រុងព្រះសីហនុ និងស្ថិតនៅភាគខាងត្បូងនៃឆ្នេរអូរឈើទាល។ លាតសន្ធឹងតាមបណ្ដោយសមុទ្រនៃក្រុងព្រះសីហនុ ឆ្នេរអូរត្រេះមានប្រវែងដល់ទៅ៣គីឡូម៉ែត្រ។ អ្វីដែលចែកដាច់ឆ្នេរអូរត្រេះពីឆ្នេរដទៃ គឺភាពស្ងប់ស្ងាត់មិនងាយនឹងរកបានឡើយ ដោយឆ្នេរផ្សេងៗទៀតមានភ្ញៀវទេសចរច្រើន។
ឆ្នេរនៅឧទ្យានរាមមិនសូវមានភាពទាក់ទាញដូចបណ្តាឆ្នេរដទៃទៀត ភាគច្រើនភ្ញៀវដែលមកកម្សាន្តច្រើនតែជិះហួសមកហួស។ ប៉ុន្តែភាពស្ងប់ស្ងាត់នៃឆ្នេរមួយនេះ ជាចំណុចទាក់ទាញដែលអន្ទងចិត្តភ្ញៀវទេសចរមួយចំនួន ជ្រើសរើសជាកន្លែងសម្រាកលំហែកាយសម្រាប់ដំណើរកម្សាន្តមកខេត្ត ព្រះសីហនុ។ ឆ្នេរសំខាន់ៗនៅទីនោះរួមមានឆ្នេរចម្ការដូង ឆ្នេរបរិស្ថាន ឆ្នេរថ្មដុះ និងឆ្នេរព្រែកចាក ជាដើម។
ជាកោះស្ថិតនៅ ២៥ គីឡូម៉ែត្រពីឆ្នេរសមុទ្រខេត្តព្រះសីហនុ មានផ្ទៃដី ៧៨ គីឡូម៉ែត្រការេ។ លោក ថែល វីរៈ គណនេយ្យករនៃក្រុមហ៊ុន កោះរ៉ុងដាយសិនធឺរ ដែលនាំភ្ញៀវទេសចរទៅកម្សាន្តតាមកោះ បានឲ្យដឹងថា អ្នកដំណើរទាំងឡាយអាចទៅកម្សាន្តកោះរ៉ុងនេះតាមទូក ដោយចេញដំណើរនៅម៉ោង៩ និងម៉ោង៣ ទៅដល់កោះរ៉ុងក្នុងរយៈពេលពីរម៉ោង តម្លៃប្រហែល ១៥ដុល្លារ ឬតាមកាណូតលឿន ចេញនៅម៉ោង៨ព្រឹក ម៉ោង១១ថ្ងៃ និងម៉ោង៣រសៀល ដោយចំណាយពេលតែ៤៥នាទីទៅដល់កោះនោះ ក្នុងតម្លៃប្រហែល ២០ដុល្លារ។
ឈ្មោះស្រដៀង នឹង កោះរ៉ុងដែរ កោះរុងសន្លឹមស្ថិតនៅភាគខាងត្បូងនៃ កោះរ៉ុង ចម្ងាយ ប្រហែល ៤ គម។ នៅទីនោះភ្ញៀវអាចដើរទស្សនាទិដ្ឋភាពព្រៃឈើ ឬ ក៏អាចជួលទូកជិះកម្សាន្តជុំវិញកោះ។
ស្ថិតនៅចម្ងាយពី ៤ គីឡូម៉ែត្រ ខាងត្បូងឆ្នេរកែប កោះទន្សាយជាទិសដៅទេសចរណ៍មួយដែល ប្រកបដោយបរិយាកាសធម្មជាតិ និង បាងកាឡូជាជួរៗសម្រាប់ឱ្យទេសចរជួលស្នាក់នៅ។
ស្ថិតក្នុងខេត្តព្រះសីហនុ កោះឯកជននេះបានបង្អួតសម្រស់ជាមួយ នឹង ឆ្នេរខ្សាច់ពណ៌ស ព្រៃរងទឹកភ្លៀង និង បាងកាឡូតម្រៀបគ្នារដឹកលើផ្ទៃសមុទ្រ។ ដើម្បីទៅដល់ទីនោះ ភ្ញៀវត្រូវជិះទូកពីកំពង់ផែព្រះសីហនុ ប្រហែល ៣៥ នាទី ។
ចម្ងាយ ប្រហែល ១៣ គីឡូម៉ែត្រពី ឧទ្យានជាតិរាម កោះនេះជាកន្លែងដ៏ពិសេសមួយសម្រាប់ទេសចរ ជ្រមុជទឹក ស្ទូចត្រី និង អុំទូកកៃយ៉ាក់ជាដើម។
ថ្ងៃឆ្លងឆ្នាំថ្មី ២០១៧ ខាងមុខនេះ ប្រាជ្ញាខ្មែរ សូមជូនពរ ឲ្យប្រិយមិត្តទូទាំងប្រទេស ធ្វើដំណើរប្រកបដោយសុវត្ថិភាព និងជូនពរឲ្យ ជោគជ័យរាល់ក្ដីប្រាថ្នាសម្រាប់ឆ្នាំថ្មី ៕
@រមណីយដ្ឋានទេរទឹកពុះ ខេត្តកំពង់ស្ពឺ៖
ទេទឹកពុះ មានទីតាំង នៅក្នុងភូមិទេ ឃុំសង្កែទាប ស្រុកឱរ៉ាល់ ខាងលិចទីរួមខេត្តកំពង់ស្ពឺ ប្រមាណ ៦០គីឡូម៉ែត្រ។
ទេទឹកពុះ មានបន្ទាត់ផ្ចិតប្រវែង១០០ម៉ែត្រ។ ផ្ទៃទឹកខាងក្រៅ មានទំហំ ៨០ម៉ែត្រការ៉េ។ សីតណ្ហភាពទឹកគឺ ៧០ អង្សាសេ។ អ្នកភូមិនៅតំបន់ទេទឹកពុះមានជំនឿ ថាទឹកក្ដៅពុះដែលផុសចេញពីដី អាចយកទៅព្យាបាលជំងឺគ្រប់ប្រភេទបាន។
No comments:
Post a Comment