ឆ្មាជាសត្វវេទមន្តបំផុតមួយនៅលើផែនដី!
វិញ្ញាណពិសេសអាចដឹងព្រឹត្តិការណ៍អ្វីមួយជាមុនរបស់វាគឺពិតជាមានអំណាចខ្លាំងក្លាណាស់។
វាអាចដឹងមុនថាតើនឹងមានអ្វីកើតឡើងចំពោះមនុស្សក្នុងគ្រួសារ ផ្ទះសម្បែង
និងទឹកដីដែលវាធ្លាប់រស់នៅ។ ដូច្នេះហើយនៅពេលឆ្មាឥតម្ចាស់ចូលមកក្នុងផ្ទះ
(ឬឆ្មារបស់យើងផ្ទាល់) ត្រដុសក្បាលលើជើងរបស់យើង
វាមិនត្រឹមតែចង់បានអាហារពីយើងប៉ុណ្ណោះទេ
តែវាថែមទាំងចង់ចែករំលែកសិល្ប៍វេទមន្តរបស់វាជាមួយយើងទៀតផង។
បើយើងរុញឆ្មាចេញពេលវាមកត្រដុសជើងយើង
គឺស្មើនឹងយើងចង់ប្រាប់វាថា "យើងចង់នៅម្នាក់ឯង
ហើយឱ្យឆ្មាចាកចេញឱ្យបាត់ពីមុខពីមាត់យើង"។ វាមិនគ្រាន់តែបង្ខាំងឆ្មាពីការផ្តល់ថាមពលពិសេសរបស់វាមកយើងនោះទេ
ការធ្វើបែបនេះថែមទាំងអាចឱ្យឆ្មាដកថាមពលពីខ្លួនយើងទៀតផង។
ឆ្មាមិនត្រឹមតែការពារផ្ទះមិនឱ្យព្រលឹងព្រាយបិសាចចូលផ្ទះប៉ុណ្ណោះទេ
វាក៏ជួយការពារផ្ទះពីថាមពលអវិជ្ជមានផងដែរ។ វាជាការសំខាន់ណាស់
នៅពេលអ្នករើទៅនៅផ្ទះមួយទៀតដែលធ្លាប់ជាកម្មសិទ្ធិអ្នកដទៃ ឬ
ជាផ្ទះដែលធ្លាប់មានរឿងមិនល្អកើតឡើង។
* ឆ្មាអាចព្យាបាលជំងឺ
ឆ្មាគ្រប់ប្រភេទគ្រប់ពណ៌សម្បូរសុទ្ធតែមានសមត្ថភាពពិសេសអាចព្យាបាលអាការៈស្រាលៗមួយចំនួន។
វិធីសាស្ត្រល្អបំផុតគឺអង្អែលក្បាលឆ្មា វានឹងជួយឱ្យយើងបាត់ជំងឺស្ត្រេស
បាត់អារម្មណ៍មួរហ្មង
ហើយថែមទាំងជួយជំរុញភ្នែកមនុស្សឱ្យមើលបានច្បាស់ទៀតផង។
នេះបើតាមការស្រាវជ្រាវអំពីសត្វឆ្មាពីសំណាក់អ្នកវិទ្យាសាស្ត្រស្កុតឡែន។
ហេតុដូច្នេះហើយទើបបានជាប៉ែកអឺរ៉ុប
និយមណែនាំឱ្យចិញ្ចឹមឆ្មា ព្រោះវាមានឥទ្ធិពលមកលើមនុស្សទាំងផ្លូវចិត្ត
និងផ្លូវកាយដូច្នេះ។
* ឆ្មានាំមកនូវថាមពលវិជ្ជមាន និងទ្រព្យសម្បត្តិ
ដោយហេតុថាឆ្មាមានថាមពលវេទមន្តដ៏អស្ចារ្យដែលយើងមិនអាចមើលឃើញដោយភ្នែកទទេ
វានាំមកនូវថាមពលវិជ្ជមានមកក្នុងផ្ទះសម្បែង
ជាហេតុរួមចំណែកនាំមកនូវសុខភាពល្អ និងទ្រព្យលាភចូលមកគ្រួសារទាំងមូល។
* យើងអាចសង្កេតដឹងថាមានព្រលឹងឬវិញ្ញាណក្នុងផ្ទះ
តាមរយៈសកម្មភាពរបស់ឆ្មា
ប្រសិនបើលោកអ្នកឧស្សាហ៍ឃើញឆ្មាមកចាំនៅកន្លែងដដែលក្នុងផ្ទះរបស់អ្នករាល់ថ្ងៃ
ក្នុងអាកប្បកិរិយាម៉ឺងម៉ាត់ខុសពីប្រក្រតី
និងភ្នែកវាចេះតែសម្លឹងមើលទៅអ្វីមួយមិនដាក់ភ្នែកនៅទីកន្លែងនោះ
គឺបានន័យថា មួយផ្នែកនៃផ្ទះរបស់លោកអ្នកកំពុងមានវិញ្ញាណមិនល្អស្ថិតនៅទីនោះ។
តាមជំនឿអឺរ៉ុប គេមានគម្ពីរធម៌របស់គេដើម្បីសូត្របណ្តេញព្រលឹងទាំងនោះ
ចំណែកប៉ែកអាស៊ីគឺនិមន្តព្រះសង្ឃដើម្បីប្រោសពរជ័យ
បណ្តេញឧបទ្រុបចង្រៃចេញពីផ្ទះ៕
No comments:
Post a Comment